जय जय सुरनायक जन सुखदायक | राम भजन | भक्ति संध्या (Jai Jai Surnayak Jan Sukhdayak Prantpal Bhagvant Lyrics | Ram Bhajan | Bhakti Sandhya)
यह छंद रामचरित मानस के बालकाण्ड से लिया गया है, जहाँ ब्रह्मादि देवताओं ने भगवान विष्णु का आव्हान किया। उनके आव्हान के उत्तर में, भगवान विष्णु ने पृथ्वी पर प्रभु श्री राम के रूप में अवतार लेने की घोषणा की। इस स्तुति में भगवान के अवतरण की मंगलमयी कथा का वर्णन किया गया है, जिसे गोस्वामी तुलसीदास ने अपने अद्भुत काव्य में संजोया है।
छंद:
जय जय सुरनायक जन सुखदायक प्रनतपाल भगवंता ।
गो द्विज हितकारी जय असुरारी सिधुंसुता प्रिय कंता ॥
पालन सुर धरनी अद्भुत करनी मरम न जानइ कोई ।
जो सहज कृपाला दीनदयाला करउ अनुग्रह सोई ॥
जय जय अबिनासी सब घट बासी ब्यापक परमानंदा ।
अबिगत गोतीतं चरित पुनीतं मायारहित मुकुंदा ॥
जेहि लागि बिरागी अति अनुरागी बिगतमोह मुनिबृंदा ।
निसि बासर ध्यावहिं गुन गन गावहिं जयति सच्चिदानंदा ॥
जेहिं सृष्टि उपाई त्रिबिध बनाई संग सहाय न दूजा ।
सो करउ अघारी चिंत हमारी जानिअ भगति न पूजा ॥
जो भव भय भंजन मुनि मन रंजन गंजन बिपति बरूथा ।
मन बच क्रम बानी छाड़ि सयानी सरन सकल सुर जूथा ॥
सारद श्रुति सेषा रिषय असेषा जा कहुँ कोउ नहि जाना ।
जेहि दीन पिआरे बेद पुकारे द्रवउ सो श्रीभगवाना ॥
भव बारिधि मंदर सब बिधि सुंदर गुनमंदिर सुखपुंजा ।
मुनि सिद्ध सकल सुर परम भयातुर नमत नाथ पद कंजा ॥
दोहा:
जानि सभय सुरभूमि सुनि बचन समेत सनेह ।
गगनगिरा गंभीर भइ हरनि सोक संदेह ॥
– तुलसीदास रचित, रामचरित मानस, बालकाण्ड-186
